కన్నీటిచుక్క

అతడు బండి లాగుతాడు

బ్రతుకు బండి లాగడు

బరువులు మోస్తాడు

బాధ్యతలు మొయ్యడు

చమట బొట్లను రూపాయి నోట్లుగా మారుస్తాడు

ఆ రూపాయి నోట్లను సారా చుక్కలుగా మారుస్తాడు

సారా చుక్కలలో షోడాకు బదులు ....

భార్య కన్నీటి చుక్కలు కలుపుకొని తాగుతాడు

 

మళ్ళీ ఎక్క్లడో!

నిండు నూరేళ్ళు వెలగాల్సిన ఆ దీపాలు

అర్ధాంతరంగా ఆరిపోయాయి

ఆశల ఇటుకలతో కట్టుకున్న

కలల సౌధాలు కుప్పకూలిపోయాయి

రుధిరచీర కట్టుకొని

వికట్టాట్టహాసం చేస్తున్న

మ్రుత్యుదేవతల ఆ ప్రాంతం 

మళ్ళీ నగరంలో బాంబుల దాడి  

ప్రత్యక్ష ప్రసారాలు చేస్తూ చానల్స్  

శవాలను లెక్కపెట్టుకుంటూ 

హడావిడిగా ఖాకీలు 

'ఇది దొంగదెబ్బరా 

నేరుగారండి మా తడాకా చూపిస్తాం'  

నిరసనలు వ్యక్తం చేస్తూ కొన్ని గళాలు 

కొన్ని రోజులుపోయాక 

అంతా సద్దుమణిగాక 

నిశ్శబ్దాన్ని బ్రద్దలుచేస్తూ 

మళ్ళీ ఎక్కడో....

బాంబుల దాడి!

అదరామృతం

"క్షణాలు గంటల లోకి
 తర్జుమా అవుతున్న
 ఆ పువ్వు పై వాలిన
 ఈ తుమ్మెద కదలదు
 ఆ పెదవుల పై వాలిన
 ఈ పెదవులు విడివడవు
 అదరామృతం పానం చేస్తూ
 తన్మయ రాగాలు ఆలపిస్తూ
 ఆ రెండు దేహాలు
 ఆనందపు రెక్కలు తొడుక్కొని
 అద్బుత లోకాలలో విహరిస్తూ
 ఆ రెండు మనసులు
 బంధాలు తెంచుకుని
 మోక్ష తీరం చేరుతూ
 ఆ రెండు ఆత్మలు"

శిదిల శిల్పం

"ఆమె పాల రాతి బొమ్మ
 వెన్నెల జలపాతం
 ఆమె పారిస్వంగ చెరసాల లొ
 చక్రవర్తులను బందించి
 పరువాల పునాదుల పై
 మహా సామ్రాజ్యం నిర్మించింది
 అందాలతొ విద్వంసం చేసి
 మహా నగరాలను సైతం
 నేల మట్టం చేసింది
 తన అదరాల పై అమృతాన్ని  చిందించిన ఆమె
 శృంగార  సాలి గుటిలొ మగధీరులను బందించిన ఆమె
 హాల హలాన్ని త్రాగి శిదిల శిల్పం గా
 శిలజంగ మారి చరిత్ర గర్బం లొకి జారి
 శాశ్వతంగా నిద్ర పొయింది
 ఆమె క్లియొ పాత్ర కావచ్చు
 ఇంకా ఇంకా ఎవరైనా  కావచ్చు
 చరిత్ర అగాధం లొ అంతుపట్టని రహస్యాలు ఎన్నొ"

అక్షరాభిషేకం

అక్షరాభిషేకం 

" ఆమె నడిచే నవల 
ఎగసి పడే చైతన్యపు అల 
ఆమె కదిలే కథ 
మదుర భావ సుధ
ఆమె పెదాల పై చెరగని నవ్వు 
స్నేహ పరిమళాలను రువ్వు 
ఆమె ఆలకించే అక్షరం 
ఆమె మానవత ప్రవాహం 
ఆమె నమ్మదు దైవం,కులం,మతం 
ఆమె కోరును సర్వ జన హితం 
ఆమె సింహపురి సాహితి సిరి 
ఆమె చేస్తారు ఒక వైపు వైద్యం 
మరొక వైపు సాహితి సేద్యం 
రెండు రంగాలలో ఆమె జయ ప్రదం "

(గురు తుల్యులు డా|| పెళ్లకూరు జయప్రద గారి పై అక్షరాభిషేకం )

రెక్కలు

రెక్కలు
1. "వాళ్ళకు కళ్ళు
కనపడవు
అయినా ఎప్పుడూ
పడిపోరు

ఒళ్ళంతా కళ్ళే."

2."ధరల చెట్టు
దిగి రానంటున్నాయి
నిత్య అవసర
సరుకులు

విక్రమార్కుడి ల
సామాన్యుడు."

3."చల్లని గాలి
సోకగానే
మబ్బు కరిగి
వర్షించింది

ఆత్మీయ కరచాలనం."

4."శోకం లోంచి
శ్లోకం
గాయం లోంచి
గేయం

వేదన లోంచే
ఆవిష్కారాలు."

5."మౌన మనే
విమానము నెక్కి
నిలోనికి
ప్రయాణించు

అంతర్యానమే
ధ్యానం."

రచన: మోపూరు పెంచల నరసింహం
నెల్లూరు
సెల్:9346393501

రంగుల వల

రంగుల వల 

"నాటి మాయ దర్పణం 
విజ్ఞానపు రెక్కలు తొడుగు కొని 
డ్రాయింగ్ రూమ్ లోకి వచ్చి కూర్చుంది 
క్షణాలలో విశాల విశ్వాన్ని 
ముంగిట్లోకి తీసుకు వస్తుంది 
అంతర్జాల మహేంద్ర జాలం విసిరినా 
రంగుల వలలో ప్రేమ పక్షులు 
దూర తీరాలు దగ్గర అవుతాయి 
రహస్యాల తెరలు చిరిగి పోతాయి 
స్వార్ధపు కెరటాలు చెలియల కట్ట దాటుతాయి 
సాంకేతిక దీపం లోకి దూకి 
వరుసగా ఆత్మ హత్యలు చేసుకుంటున్న శెలబలు 
స్నేహ సంతకాలు చేసి 
మానవత్వపు జెండా ఎగుర వెయ్యాల్సిన ఫేస్ బుక్ లు 
రక్తాశ్రువులు చిందిస్తున్నయ్యి
మృత్యు ద్వారాలుగా మారుతున్నాయి "

రచన - మోపూరు పెంచల నర సింహం 
సెల్ : 9346393501

తెలుగోడి ఘోష

తెలుగోడి ఘోష

అక్షరాలు కళ్ళు తెరిస్తే
అక్షరాలు ఒళ్ళు విదిలిస్తే
అక్షరాలు కి రెక్కలు మొలిస్తే
అక్షరాలు జెండాలై ఎగిరితే
అదే అదే అచ్చమైన స్వచ్చమైన
వాడి అయిన వేడి అయిన తెలుగు బాష 
వెలుగులు విరజిమ్మే బాష
 
నన్నయ్య కలమై నర్తించిన బాష
తిక్కయ్య గళంలో  పంచిన బాష
ఎఱ్రన్న పలుకులలో ఎదిగిన బాష
శ్రీనాధుని పలుకులలో సింగారొలికిన  బాష  
కమనీయంగా కవయిత్రి మొల్ల పలికిన బాష
పోతయ్య పలుకులలో భక్తి తరంగం లోలికిన బాష
వేమయ్య పలుకులలో విరక్తి పంచిన బాష
 
ముద్ద మందారాల బాష ముద్దులొలికె బాష
వెన్నెల జలపాతాల బాష వన్నె చిన్నెల బాష
పదము పదమున అమృతం చిందేటి బాష
ఆపాత మధురమైన బాష
 
అంతం కాబోతుందా నేడు?
కొన  ఊపిరిలో ఉన్న తెలుగు తల్లికి ఊపిరిలూడుతూ
కొడిగడుతున్న తెలుగు దివ్వెను వెలిగిద్దాం.

లక్ష్మణ రేఖ

                                                     
                                                             సన్మానం చిత్రాలు

                                      జాషువా పీఠం అందించిన సన్మానసభలో ప్రసంగిస్తున్న నేను.

శ్రీ కృష్ణ లీలామృతం

నా పుస్తకం "శ్రీ కృష్ణ లీలామృతం " ఆవిష్కరణ సందర్భంగా  తీసిన చిత్రాలు.
పత్రికలో వచ్చిన వార్తా సమాచారం.

జీవన చక్రం

జీవన చక్రం 

శివుని కుటుంబం చూసిన 
తెలియ వచ్చును జీవ వైవిధ్యం 

శివుని వాహనం వృషభం 
పార్వతి వాహనం సింహం 
గజముఖుని వాహనం మూషికం 
షణ్ముఖిని వాహనం మయూరం 
శివుని కన్తాభరణం  సర్పం  

ఇదే జీవ వైవిధ్యం 
ఇదే సృష్టి చక్రం 

కీటకం ని మింగిన కప్ప 
కప్పని మ్రింగెను పాము 
పామును చీల్చు డేగ 
డేగను వేటాడు విలుకాడు 

ఒక జీవిని ఆధారం చేసుకుని 
మరొక జీవి మనుగడ సాగించును.

ఇదియే జీవన చక్రం 
ఇదియే సృష్టి ధర్మం 

ప్రేమ రధం

ప్రేమ రధం

మేఘాల పందిరి  అల్లి
వాన చినుకుల కళ్ళాపి  జల్లి
నింగి  చుక్కలను తెచ్చి 
నేలపై అందంగా అమర్చి
వెన్నెల పిండితో వన్నెల ముగ్గు దిద్ది
హరివిల్లులోని ఏడు రంగులు అద్ది
మధుర భావాల మరు మల్లెలు జల్లి ..

ఓ..ప్రియా! నిరీక్షించాను
నీ రాక కోసం
నీ ప్రేమ రధం కోసం

నేను - నా రచనలు - అందుకున్న పురస్కారాలు

  నా రచనలు 

 అందుకున్న పురస్కారాలు

నేను  

మౌన సాక్షిగా

పాత బస్తీలో ..ఆ పేద కొమ్మలకి పూచిన అందాలను చూస్తే
విదేశీ వృద్ద మన్మదులకి నోరూరుతుంది

దుబాయి జాలరి డాలర్  ఎరను వేసి
కన్నె చేపలను బుట్టలో పదవేసుకుంటాడు

డెబ్బయి ఏళ్ళ పులి షాదీ ముసుగు వేసుకుని
పది హేదేళ్ళ  మేకని బాలి తీసుకుంటుంది

అరబ్ షేక్ తుమ్మెద యవ్వనాన్ని జుర్రుకుని
అడ్రస్స్ లేకుండా తుర్రుమంటుంది

దీనంగా సూన్యంలోకి చూస్తూ అమ్మాయిలు
దీనార్ లు లెక్క పెట్టుకుంటూ.అమ్మ-నాన్నలు

కాలం కన్నీరు కారుస్తూ... మౌన సాక్షిగా  

ప్రపంచ కవుల దినోత్సవం సందర్భంగా

ప్రపంచ కవుల దినోత్సవం సందర్భంగా .. మా నెల్లూరు..లో జరిగిన కవిసమ్మేళనం .
వారి పరిచయాలతో.. కవిత్వం.

కవిత్వం

కవిత్వం

తెల్ల కాగితాలను నలుపు చేయడం కాదు
పదాల గారడీతో బురిడీ  కాదు

నరాల నదిలో ప్రవహించే  భావ ప్రవాహం
గుండె  గేట్లను బద్దలు కొట్టుకుని
వరద పొంగులా పొంగి పొర్లడమే కవిత్వం

కాగితాల  నదిలో ఆక్షర పడవలని
ఒదిలి పెట్టడమే కవిత్వం
సాహితీ ఆకాశంలో అక్షర ప్రశ్నలను
ఎగురవేయడమే కవిత్వం

అక్షరాల విత్తనాలను హృదయ భూమిలో నాటి
కన్నీటి వానలో తడిపి
మానవత్వపు మొలకలను
మొలకేత్తింప జేయడమే కవిత్వం 

ముద్దు ముద్దుగా..

                                                                  ముద్దు ముద్దుగా..


కురులపై  ముద్దు  విరజాజులు  కురిపిస్తూ  

కనురెప్పలపై  ముద్దు  కలల  వాకిళ్ళు  తెరిపిస్తూ  

బుగ్గలపై  ముద్దు  సిగ్గులపూలు  పూయిస్తూ ..

పెదవులపై  ముద్దు ప్రణయ సుధలు గ్రోలుతూ 

తనువులోని అణువణువుకి  ముద్దు తన్మయ రాగాలు పలికిస్తూ..

 

నెచ్చెలి తనువు పై పెదాల కలంతో..చేసే వెచ్చని సంతకం ముద్దు 

శృంగార లోకాల తలుపులు తెరిచే తాళం చెవి ముద్దు.

స్నేహ సంతకం

స్నేహ సంతకం

ఈ జీవన యానంలో నేను ఒంటరిని కాను 

నీ వెంట పెద్ద సమూహమే కడలి వస్తుంది 

నేను కాలు మోపితే ఎడారి సైతం 

నందన వనమవుతుంది 

నా కరచాలనం సోకితే 

కఠిన పాషాణం సైతం కరిగిపోతుంది 

నేనెప్పుడు నా పెదవుల కొమ్మపై 

చిరునవ్వుల పూవులు పూయిస్తూ ఉంటాను 

సాహిత్య ఆకాశంలో 

కవితల పిట్టలని ఎగురవేస్తుంటాను 

ఆత్మ విశ్వాసం నా గుండె చప్పుడు 

విజయం నా చిరునామా..

ప్రవహించే ప్రేమ నదిని నేను 

స్నేహానికి నిలువెత్తు సంతకం నేను.

అక్షర వారధి

అక్షర వారధి  

                                                         

అక్షర బాణాలను తూణీరం లా సర్దుకుని
సూర్యుడికన్నా ముందరే నిలిచి
విశ్వసంచారానికి బయలుదేరతాడు
ప్రతి గుండె తలుపు తట్టి
అక్షర పరిమళాలు విరజిమ్ముతాడు
అపార్ట్ మెంట్ గూళ్ళల్లోకి
నేర్పుగా అక్షర పిట్టలని ఎగురవేస్తాడు
సముద్రమంత సమాచారాన్ని
ఆకాశమంత విజ్ఞానాన్ని
ఇంటింటికి పంచిపెట్టే
అక్షర వారధి అతడు

మినీ కవితలు

ఎటుచూసినా చీకట్ల ఇక్కట్లు
తీర్చలేనప్పుడు ప్రజల పాట్లు
ఎందుకు వేయాలి మీకు ఓట్లు

* * * * * * *

 ఉమ్మడి వృక్షం కుంచించుకు పోతుంది
పార్టులు పార్టులుగా అపార్టు మెంటుల్లోకి

* * * *  * * *

పీక్కు తినడం మామూలే
బ్రతికిఉన్నప్పుదు లోకులు
చచ్చాక కాకులు
 * * * * * *
 అప్పుడు ఆ ఇంటి రాజు
ఇప్పుడు చూరుకు వేలాడుతున్న బూజు