jai samaikyandhra

పెన్ షిప్ డే - ఫ్రెండ్షిప్ డే

కన్నీటిచుక్క

అతడు బండి లాగుతాడు

బ్రతుకు బండి లాగడు

బరువులు మోస్తాడు

బాధ్యతలు మొయ్యడు

చమట బొట్లను రూపాయి నోట్లుగా మారుస్తాడు

ఆ రూపాయి నోట్లను సారా చుక్కలుగా మారుస్తాడు

సారా చుక్కలలో షోడాకు బదులు ....

భార్య కన్నీటి చుక్కలు కలుపుకొని తాగుతాడు

 

మళ్ళీ ఎక్క్లడో!

నిండు నూరేళ్ళు వెలగాల్సిన ఆ దీపాలు

అర్ధాంతరంగా ఆరిపోయాయి

ఆశల ఇటుకలతో కట్టుకున్న

కలల సౌధాలు కుప్పకూలిపోయాయి

రుధిరచీర కట్టుకొని

వికట్టాట్టహాసం చేస్తున్న

మ్రుత్యుదేవతల ఆ ప్రాంతం 

మళ్ళీ నగరంలో బాంబుల దాడి  

ప్రత్యక్ష ప్రసారాలు చేస్తూ చానల్స్  

శవాలను లెక్కపెట్టుకుంటూ 

హడావిడిగా ఖాకీలు 

'ఇది దొంగదెబ్బరా 

నేరుగారండి మా తడాకా చూపిస్తాం'  

నిరసనలు వ్యక్తం చేస్తూ కొన్ని గళాలు 

కొన్ని రోజులుపోయాక 

అంతా సద్దుమణిగాక 

నిశ్శబ్దాన్ని బ్రద్దలుచేస్తూ 

మళ్ళీ ఎక్కడో....

బాంబుల దాడి!

నేను అందుకున్న పురస్కారాలు

అదరామృతం

"క్షణాలు గంటల లోకి
 తర్జుమా అవుతున్న
 ఆ పువ్వు పై వాలిన
 ఈ తుమ్మెద కదలదు
 ఆ పెదవుల పై వాలిన
 ఈ పెదవులు విడివడవు
 అదరామృతం పానం చేస్తూ
 తన్మయ రాగాలు ఆలపిస్తూ
 ఆ రెండు దేహాలు
 ఆనందపు రెక్కలు తొడుక్కొని
 అద్బుత లోకాలలో విహరిస్తూ
 ఆ రెండు మనసులు
 బంధాలు తెంచుకుని
 మోక్ష తీరం చేరుతూ
 ఆ రెండు ఆత్మలు"

శిదిల శిల్పం

"ఆమె పాల రాతి బొమ్మ
 వెన్నెల జలపాతం
 ఆమె పారిస్వంగ చెరసాల లొ
 చక్రవర్తులను బందించి
 పరువాల పునాదుల పై
 మహా సామ్రాజ్యం నిర్మించింది
 అందాలతొ విద్వంసం చేసి
 మహా నగరాలను సైతం
 నేల మట్టం చేసింది
 తన అదరాల పై అమృతాన్ని  చిందించిన ఆమె
 శృంగార  సాలి గుటిలొ మగధీరులను బందించిన ఆమె
 హాల హలాన్ని త్రాగి శిదిల శిల్పం గా
 శిలజంగ మారి చరిత్ర గర్బం లొకి జారి
 శాశ్వతంగా నిద్ర పొయింది
 ఆమె క్లియొ పాత్ర కావచ్చు
 ఇంకా ఇంకా ఎవరైనా  కావచ్చు
 చరిత్ర అగాధం లొ అంతుపట్టని రహస్యాలు ఎన్నొ"

అక్షరాభిషేకం

అక్షరాభిషేకం 

" ఆమె నడిచే నవల 
ఎగసి పడే చైతన్యపు అల 
ఆమె కదిలే కథ 
మదుర భావ సుధ
ఆమె పెదాల పై చెరగని నవ్వు 
స్నేహ పరిమళాలను రువ్వు 
ఆమె ఆలకించే అక్షరం 
ఆమె మానవత ప్రవాహం 
ఆమె నమ్మదు దైవం,కులం,మతం 
ఆమె కోరును సర్వ జన హితం 
ఆమె సింహపురి సాహితి సిరి 
ఆమె చేస్తారు ఒక వైపు వైద్యం 
మరొక వైపు సాహితి సేద్యం 
రెండు రంగాలలో ఆమె జయ ప్రదం "

(గురు తుల్యులు డా|| పెళ్లకూరు జయప్రద గారి పై అక్షరాభిషేకం )

రెక్కలు

రెక్కలు
1. "వాళ్ళకు కళ్ళు
కనపడవు
అయినా ఎప్పుడూ
పడిపోరు

ఒళ్ళంతా కళ్ళే."

2."ధరల చెట్టు
దిగి రానంటున్నాయి
నిత్య అవసర
సరుకులు

విక్రమార్కుడి ల
సామాన్యుడు."

3."చల్లని గాలి
సోకగానే
మబ్బు కరిగి
వర్షించింది

ఆత్మీయ కరచాలనం."

4."శోకం లోంచి
శ్లోకం
గాయం లోంచి
గేయం

వేదన లోంచే
ఆవిష్కారాలు."

5."మౌన మనే
విమానము నెక్కి
నిలోనికి
ప్రయాణించు

అంతర్యానమే
ధ్యానం."

రచన: మోపూరు పెంచల నరసింహం
నెల్లూరు
సెల్:9346393501

రంగుల వల

రంగుల వల 

"నాటి మాయ దర్పణం 
విజ్ఞానపు రెక్కలు తొడుగు కొని 
డ్రాయింగ్ రూమ్ లోకి వచ్చి కూర్చుంది 
క్షణాలలో విశాల విశ్వాన్ని 
ముంగిట్లోకి తీసుకు వస్తుంది 
అంతర్జాల మహేంద్ర జాలం విసిరినా 
రంగుల వలలో ప్రేమ పక్షులు 
దూర తీరాలు దగ్గర అవుతాయి 
రహస్యాల తెరలు చిరిగి పోతాయి 
స్వార్ధపు కెరటాలు చెలియల కట్ట దాటుతాయి 
సాంకేతిక దీపం లోకి దూకి 
వరుసగా ఆత్మ హత్యలు చేసుకుంటున్న శెలబలు 
స్నేహ సంతకాలు చేసి 
మానవత్వపు జెండా ఎగుర వెయ్యాల్సిన ఫేస్ బుక్ లు 
రక్తాశ్రువులు చిందిస్తున్నయ్యి
మృత్యు ద్వారాలుగా మారుతున్నాయి "

రచన - మోపూరు పెంచల నర సింహం 
సెల్ : 9346393501

కవి పరిచయం.

రాత్రి సూర్యుడు కవి పరిచయం. 

అనంతపురం జిల్లా రాయదుర్గంకి చెందిన కేరే జగదీశ్ (సీనియర్ పాత్రికేయుడు) కస్తూరి పరిమళం (కన్నడిగుడు) అయినప్పటికీ తేనెలొలుకు పలుకులలో కవిత్వం రాస్తున్నారు.

ఆయన తన హృదయాన్ని "సముద్రమంత గాయం " ని చేసుకుని బడుగు జీవుల చిత్రాలు చిత్రించారు. 

ఒక కవి పరిచయం తో.. స్ఫూర్తి పొంది "రాత్రి సూర్యుడు " దీర్ఘ కవిత వ్రాయడానికి శ్రీకారం చుట్టారు. 

అంధుల  అంతః ప్రపంచాన్ని భౌతిక ప్రపంచానికి చూపడానికి ఈ దీర్ఘ  కవిత రాసారు. 

శిశిరంలో కోయిల కూస్తే.ఎడారిలో పూలు పూస్తే .. చీకటి వెలుగవదా !? శాపం వరమవదా !? గుండె గాయం మధుర గేయం అవదా!? 

అదే ఈ రాత్రి సూర్యుడు. 

ఆయన కన్నీటి మేఘాల నుండి ఉదయించిన అక్షర సూరీడే ..ఈ రాత్రి సూరీడు. 

మా ఆత్మ విశ్వాస నక్షత్ర ధగ దగాలు 

మా ఉశ్వాస నిశ్వాసాలు రెప రెపలాడే ఈ విజయాల జెండాలు ఈ కవితలోని అక్షరాలు అంటారు.. ఈ కవికి స్పూర్తిగా నిలిచిన మరొక అంధ కవి. 

kere jagadeesh

అక్షర సూర్యుడు దీర్ఘ కవిత .. ఆవిష్కరణ జరుగుతున్న తేదీ డిసెంబర్ 30 

 రాయ దుర్గం, అనంతపురం జిల్లా 

ఆవిష్కరణ : బుడుగి శ్రీనివాసులు  {జర్మనీ రాయబారి )

ఈ దీర్ఘ  కవిత కి  ముందు మాట వ్రాసిన వారు..  కె. శివా రెడ్డి గారు అద్దేపల్లి రామమోహనరావు గారు. 

సాహితీ మిత్రులందరికీ ఇదే మా ఆహ్వానం

 .

తెలుగోడి ఘోష

తెలుగోడి ఘోష

అక్షరాలు కళ్ళు తెరిస్తే
అక్షరాలు ఒళ్ళు విదిలిస్తే
అక్షరాలు కి రెక్కలు మొలిస్తే
అక్షరాలు జెండాలై ఎగిరితే
అదే అదే అచ్చమైన స్వచ్చమైన
వాడి అయిన వేడి అయిన తెలుగు బాష 
వెలుగులు విరజిమ్మే బాష
 
నన్నయ్య కలమై నర్తించిన బాష
తిక్కయ్య గళంలో  పంచిన బాష
ఎఱ్రన్న పలుకులలో ఎదిగిన బాష
శ్రీనాధుని పలుకులలో సింగారొలికిన  బాష  
కమనీయంగా కవయిత్రి మొల్ల పలికిన బాష
పోతయ్య పలుకులలో భక్తి తరంగం లోలికిన బాష
వేమయ్య పలుకులలో విరక్తి పంచిన బాష
 
ముద్ద మందారాల బాష ముద్దులొలికె బాష
వెన్నెల జలపాతాల బాష వన్నె చిన్నెల బాష
పదము పదమున అమృతం చిందేటి బాష
ఆపాత మధురమైన బాష
 
అంతం కాబోతుందా నేడు?
కొన  ఊపిరిలో ఉన్న తెలుగు తల్లికి ఊపిరిలూడుతూ
కొడిగడుతున్న తెలుగు దివ్వెను వెలిగిద్దాం.

లక్ష్మణ రేఖ

                                                     
                                                             సన్మానం చిత్రాలు

                                      జాషువా పీఠం అందించిన సన్మానసభలో ప్రసంగిస్తున్న నేను.

మౌనశ్రీ మల్లిక్ స్పందన

నిశీధి శిలాజాల అన్వేషి

ఆతను చీకట్లో అక్షరాల విత్తనాలను జల్లి
కవితా కుసుమాలు పూయిస్తాడు

ఆకాశంలో పరచుకున్న నక్షత్ర గ్రంధాలను
నిశీధి వేళ  మనోనేత్రంతో పఠిస్తాడు
యుగాంతాల  రహస్యాలను చదివి
దిగంతాలను మేల్కొల్పే
కవనగానాలు చేస్తాడు.

ఒక కంట్లో కరుణ మరొక కంట్లో ప్రేమ
ఆటుపోట్లు సంభవిస్తుంటే
కల్లోలిత హృది సముద్రంలో అస్తమిస్తూ..
మానవత్వ శిలాజాల వెతుకులాటలో
నిత్యనూతనంగా ..ఉదయిస్తాడు.
అతడే మోపూరు.
                     _మౌనశ్రీ  మల్లిక్

శ్రీ కృష్ణ లీలామృతం

నా పుస్తకం "శ్రీ కృష్ణ లీలామృతం " ఆవిష్కరణ సందర్భంగా  తీసిన చిత్రాలు.
పత్రికలో వచ్చిన వార్తా సమాచారం.

హాస్య కథ.

జీవన చక్రం

జీవన చక్రం 

శివుని కుటుంబం చూసిన 
తెలియ వచ్చును జీవ వైవిధ్యం 

శివుని వాహనం వృషభం 
పార్వతి వాహనం సింహం 
గజముఖుని వాహనం మూషికం 
షణ్ముఖిని వాహనం మయూరం 
శివుని కన్తాభరణం  సర్పం  

ఇదే జీవ వైవిధ్యం 
ఇదే సృష్టి చక్రం 

కీటకం ని మింగిన కప్ప 
కప్పని మ్రింగెను పాము 
పామును చీల్చు డేగ 
డేగను వేటాడు విలుకాడు 

ఒక జీవిని ఆధారం చేసుకుని 
మరొక జీవి మనుగడ సాగించును.

ఇదియే జీవన చక్రం 
ఇదియే సృష్టి ధర్మం 

ప్రేమ రధం

ప్రేమ రధం

మేఘాల పందిరి  అల్లి
వాన చినుకుల కళ్ళాపి  జల్లి
నింగి  చుక్కలను తెచ్చి 
నేలపై అందంగా అమర్చి
వెన్నెల పిండితో వన్నెల ముగ్గు దిద్ది
హరివిల్లులోని ఏడు రంగులు అద్ది
మధుర భావాల మరు మల్లెలు జల్లి ..

ఓ..ప్రియా! నిరీక్షించాను
నీ రాక కోసం
నీ ప్రేమ రధం కోసం

నేను - నా రచనలు - అందుకున్న పురస్కారాలు

  నా రచనలు 

 అందుకున్న పురస్కారాలు

నేను  

మౌన సాక్షిగా

పాత బస్తీలో ..ఆ పేద కొమ్మలకి పూచిన అందాలను చూస్తే
విదేశీ వృద్ద మన్మదులకి నోరూరుతుంది

దుబాయి జాలరి డాలర్  ఎరను వేసి
కన్నె చేపలను బుట్టలో పదవేసుకుంటాడు

డెబ్బయి ఏళ్ళ పులి షాదీ ముసుగు వేసుకుని
పది హేదేళ్ళ  మేకని బాలి తీసుకుంటుంది

అరబ్ షేక్ తుమ్మెద యవ్వనాన్ని జుర్రుకుని
అడ్రస్స్ లేకుండా తుర్రుమంటుంది

దీనంగా సూన్యంలోకి చూస్తూ అమ్మాయిలు
దీనార్ లు లెక్క పెట్టుకుంటూ.అమ్మ-నాన్నలు

కాలం కన్నీరు కారుస్తూ... మౌన సాక్షిగా